Ўзбекистон чегара идораси қўшни Тожикистондаги “Ишқобод” чегара постига уюштирилган қуролли гуруҳнинг ҳужуми билан боғлиқ вазиятни ўрганмоқда. Бу ҳақда РИА Новостига мамлакат Давлат хавфсизлик хизмати чегара қўшинлари вакили маълум қилди.
“Ҳодиса ҳақида маълумотга эгамиз, ҳозирда вазиятни ўрганмоқдамиз”, - деди Ўзбекистон чегара қўшинлари вакили.
Унинг сўзларига кўра, Ўзбекистон томони тожикистонлик ҳамкасблари билан алоқада бўлиб турибди.
Эслатиб ўтамиз, 6 ноябрга ўтар кечаси 20 га яқин қуролли кишилар тожик-ўзбек чегарасида жойлашган "Ишқобод" чегара постига ҳужум уюштиришди. Тожикистон ДМХҚ хабарига кўра, ўтказилган махсус операция натижасида ушбу жиноий гуруҳнинг 15 нафари йўқ қилинган 5 нафари қўлган. Махсус операция давомида Чегара қўшинларининг 1 нафар аскари ҳамда бир нафар милиция ходими қурбон бўлган.
Ҳозирда ушбу ҳодиса тезкор- тергов гуруҳи томонидан ўрганилмоқда.
Россия яна бир ҳарбий можарода иштирок этиши мумкин
Америкалик таниқли боксчи Баҳодир Жалолов ҳақида фикр бирдирди
Россия Арманистон учун қарор чиқарди
