Қозоғистон президенти Қосим-Жомарт Тоқаев бугун украиналик ҳамкасби Владимир Зеленский билан телефон орқали мулоқот қилди.
Бу Россия ҳарбийларининг Украинадаги операцияси бошланганидан бери икки президент ўртасидаги иккинчи телефон мулоқотидир.
“Қозоғистон президенти Туркияда БМТ кўмагида Украина донини экспорт қилиш бўйича эришилган уч томонлама келишувга ижобий баҳо берди. Давлат раҳбари, шунингдек, Қозоғистоннинг Украинадаги вазиятни дипломатик йўл билан тартибга солиш бўйича принципиал позициясини тасдиқлади”, — дейилади Қозоғистон президенти матбуот хизмати хабарида.