Россияда, Чита шаҳрининг кекса фуқароси коронавирус билан касалланиб, шифокорлардан ёрдам ололмасдан вафот этди.
Интерфакс хабарига кўра, 64 ёшли аёлга COVID-19 ташхиси қўйилган. У уйда даволанган ва аҳволи оғирлашганида тез ёрдам чақирган, аммо шифокорлар узоқ вақт келишмаган. Натижада бемор 28 октябрда ўша ердаги касалхонага ётқизилган ва эртаси куни вафот этган.
Қайд этилишича, нафақахўр ижтимоий тармоқларда маҳаллий ҳокимиятдан унга ёрдам беришни сўраган. Транс-Байкал ўлкаси Соғлиқни сақлаш вазирлиги тиббий ёрдамни ташкил этишга масъул муассасаларда текширувни бошлади.