Хитойнинг Temu маркетплейси Ўзбекистонда тахминан 46 млрд сўм миқдорида солиқ тўламаган. Солиқ қўмитаси ушбу солиқ тўловлари бўйича маркетплейсга талабнома юборди.
Бу ҳақда АОКАда Солиқ қўмитаси раҳбарияти иштирокида ўтказилган матбуот анжуманида маълум қилинди.
Қўмита раисининг биринчи ўринбосари Мубин Мирзаевнинг қайд этишича, электрон савдо тизимини солиққа тортиш бутун дунёда жуда катта муаммога сабаб бўлмоқда.
“Олинган маълумотларга кўра, Temu томонидан тахминан 46 млрд сўмлик солиқлар тўланмагани аниқланди. Биз уни ҳали текширганимиз йўқ, бу дастлабки ҳисоб-китоблар натижаси. Маркетплейсга ушбу солиқ тўловлари бўйича эътироз хати берилган. Қачон у солиқларни тўласа, биз фаолиятини легаллаштириш имкониятини яратиб берамиз“, — деди Мубин Мирзаев.
Унинг сўзларига кўра, ҳисобланган солиқлар текширилмаганини, солиқ қарздорлиги тўланмаган ҳолатда, тўлиқ тартибда текширув амалга оширилишини ҳамда солиқ мажбурияти бажарилиши юзасидан алоҳида маълумотлар тақдим этилади.
Эслатиб ўтамиз, аввалроқ Ўзбекистонда Тему платформасидан фойдаланиш чекланганди.
Андижондаги портлаш қурбонлари сони маълум бўлди
Дилфуза Исмоиловани "ухлатиб" кетишди
Мактаблар 5 кунлик ўқиш ва иш тартибига ўтадими?
