Тел-Авивда ҳукуматга қарши намойишларнинг 11 иштирокчиси ҳибсга олинди

Исроил полицияси Тель-Авивдаги ҳукуматга қарши намойишларнинг 11 нафар иштирокчисини ҳибсга олди.

Yedioth Ahronoth газетасига кўра, полиция Каплан майдони ва Аялон проспектида йиғилган Бенямин Нетаняху ҳукуматига қарши намойишчиларни тарқатиб юборган.

Ҳибсга олинганлар «намойиш ўтказиш ва қонун ва тартибни бузишда» айбланган.

Тель-Авивда шанба оқшомида исроилликлар учун муқаддас Шаббат куни учта норозилик намойиши бўлиб ўтди.

Исроилнинг блокада остидаги Ғазо секторига уюштирган ҳужумларига норозилик билдирган бир гуруҳ исроилликлар Тель-Авивдаги Мудофаа вазирлиги биноси олдида йиғилди.

Каплан проспектида намойишчилар «Ҳозир ўт очишни тўхтатинг» деб ёзилган баннерни очиб, «Қачонгача?», «Ғарбий Соҳилдаги кўчманчилар террорини тўхтатинг» ва «Фаластин ҳаёти муҳим» деган ёзувларни кўтариб олдилар.

Кейинги соатларда юзлаб исроилликлардан иборат яна бир гуруҳ Нетаняху ҳукуматининг истеъфосини талаб қилиб, худди шу ҳудудга келди.

Намойиш иштирокчилари Нетаняху ҳукуматига қарши шиорлар айтишди ва «Халқ 1-ҳукумат 0» ёзувли ёзувларни кўтариб олдилар. Вақти-вақти билан намойишчилар Каплан проспектидаги ҳаракатни тўсиб қўйган.

Ғазо секторида асирликда бўлган исроилликларнинг қариндошлари бўлган яна бир гуруҳ исроилликлар Аялон шоссесини бир йўналишда тўсиб қўйишди.

Намойишчилар «Маҳбуслар учун вақт тугаяпти», «Ҳозир келишув» деган ёзувларни кўтариб, маҳбусларни озод қилиш масаласида ҳаракатсизликда айбланаётган Нетаняхуга қарши шиорлар айтишди.