Ташиев вақтинча чет элга учиб кетди

Қирғизистон Миллий хавфсизлик давлат қўмитасининг собиқ раҳбари Қамчибек Ташиев вақтинча чет элга учиб кетди.

“Манас” аэропортида олинган видеони унинг яқин ҳамкори Ўткирбек Раҳмонов эълон қилган. Унинг ёзишича, Ташиев мамлакатни вақтинча тарк этган.

Ташиевнинг айнан қайси мамлакатга ва нима мақсадда кетаётгани биўйича маълумот тақдим этилмаган. Баъзи хабарларга кўра, у Германияга жўнаб кетган бўлиши мумкин.

Эслатиб ўтамиз, 10 феврал куни Қирғизистон президенти Садир Жапаров мамлакат Миллий хавфсизлик давлат қўмитаси раиси Қамчибек Ташиевнинг ваколатларини муддатидан олдин тугатиш тўғрисидаги фармонини имзолаганди.

Бундан ташқари, Ташиевнинг ўринбосарлари – Даниэл Рисалиев, Қурбонбек Авазов, Элизар Сманов ҳамда Хавфсизлик кенгаши котиби Рустам Мамасодиқов ҳам лавозимидан озод этилган.

Шунингдек, Қирғизистон Жогорку Кенеши (парламенти) спикери, бош прокурорнинг биринчи ўринбосари ҳам истеъфога чиққанди.

Бундан ташқари, кеча табиий ресурслар, экология ва техник назорат вазири Медер Машиев, фавқулодда вазиятлар вазири Бообек Ажикеев ҳамда транспорт ва коммуникациялар вазири Аб­саттар Сирғабaев лавозимидан озод этилгани хабар берилди.