Таниқли хонанда отасини судга берди (фото)

Америкалик қўшиқчи Рианна ўзига тегишли бўлган Fenty товар белгисини ишлатгани учун отасини судга. Бу ҳақда Variety нашри хабар берди.

Рианнанинг сўзларига кўра, отаси Рональд Фенти иқтидорли ёшларни излаб топиб, уларни қўллаб-қувватлайдиган Fenty Entertainment компаниясини тузиб, қизининг исмидан фойдаланган ҳолда кўпроқ даромад олишни хоҳлаган. Қўшиқчининг таъкидлашича, у бир неча бор отасидан унинг номидан бизнес юритмасликни сўраган, аммо илтимослари эътибордан четда қолган.

Нашр маълумотларига кўра, Fenty Entertainment яқиндагина Рианна билан ҳамкорлик қилаётганини айтиб, кўпроқ сармоядорларни жалб қилишга ҳаракат қилган.