Таэквондочиларимиз Иорданияда шоҳсупага кўтарилди

Иорданиянинг Амман шаҳрида таеквондо WТ бўйича катталар ўртасида G2 таснифидаги “Бутунжаҳон таэквондо федерацияси президенти кубоги” мусобақаси ўтказилмоқда.

Мусобақанинг илк кунида Ўзбекистон миллий терма жамоасининг уч нафар аъзоси баҳсларга киришди. Кубок баҳсларида Жасурбек Жайсунов ва Никита Рафалович кумуш, Феруза Содиқова эса бронза медалини қўлга киритди.

Бугун турнирнирда терма жамоамиз аъзолари Шуҳрат Салаев ҳамда Светлана Осипова медаллар учун рақобатлашади.