Тадқиқот: Қаҳва ичиш инсульт хавфини 37 фоизга оширади

Олимлар қаҳва ичиш инсульт хавфини 37 фоизга оширишини, чой ичиш эса 29 фоизга камайтиришини аниқлашди.

Тадқиқотда 27 000 киши иштирок этди, уларнинг ярми биринчи инсультни бошдан кечирган.

Газланган ичимликлар шунингдек мевали шарбатлар зарарини ўрганиш бўйича ўтказилган тадқиқот шуни кўрсатдики:

Газланган ичимликлар, шу жумладан шакар билан ширинлантирилган ичимликлар ва шакарни ўрнини босувчи сунъий қўшимчалар қўшилган ичимликлар, инсульт хавфини 22% га ошириши мумкин, кунига икки ёки ундан ортиқ бундай ичимликларни истеъмол қилиш эса хавфни кескин оширади.

Кунига тўрт стакандан кўпроқ қаҳва ичиш инсульт хавфини 37% га оширади, аммо камроқ истеъмол қилсангиз хавф деярли йўқ.

Чой эса ҳали ҳам хавфсиз. Агар ҳар куни 3-4 стакан ичсангиз, инсульт хавфи 18-29% га камаяди. Айниқса кўк чой жуда фойдали.