Жавлон Самадов (исм-шарифи ўзгартирилган) Музработ туманидаги электр тармоқлари корхонасида бош муҳандис лавозимида ишларди. У яхшигина маошига қаноат қилмай, осон пул топишни истаб қолди.
Шу ниятда “Юртим жамоли” маҳалласидаги 45 хўжаликка трансформатор ва симёғочлар ўрнатиб беришни ваъда қилиб, фуқаролардан йиғилган 8 миллион сўм пулни олиб, ўз эҳтиёжларига сарфлаб юборди. Охирини ўйламай иш тутган Ж.Самадовнинг бу ҳаракати у ўйлагандек якунланмади. Одамлар унинг ёлғонларига ишонишмади. Кута-кута тарнсформатор келавермагач, улар туман ИИБга мурожаат қилишди.
"Postda"нинг хабарига кўра, Ж.Самадовга нисбатан жиноят иши қўзғатилди.
Хурсан АРИПОВ,
вилояти ИИБ ҳузуридаги Тергов бошқармаси
бўлинма бошлиғи, полковник