Сингапурда чўкиб кетган кеманинг уч экипаж аъзосининг жасади топилди

Жума куни Сингапур қирғоқлари яқинидаги сувлардан чўкиб кетган кемадан уч экипаж аъзосининг жасадлари топилди.

Бу ҳақда Сингапур Денгиз ва порт бошқармаси (МПА) маълум қилди.

Кема Пасир-Панджанг терминали яқинида қўниш кемаси билан тўқнашгандан сўнг чўкиб кетди. Қўниш кемаси экипажининг ҳеч бири жароҳатланмаган.

Ҳозирда бошқа экипаж аъзолари бедарак йўқолганми ёки йўқлигини аниқлаш учун қидирув-қутқарув ишлари, жумладан, ғаввослар ҳам олиб борилмоқда.