Хитой хоҳласа, Россия-Украина урушини тугатиши мумкин, деди Финляндия президенти Александр Стубб Bloomberg агентлигига берган интервьюсида.
«Россия ҳозир Хитойга жуда қарам. Президент Си Цзиньпиннинг биргина телефон қўнғироғи бу инқирозни ҳал қилади», — деди сиёсатчи.
Унинг фикрича, агар Си Цзиньпин тинчлик музокараларини бошлаш вақти келганини айтса, «Россия буни қилишга мажбур бўлади».