Бугун 2 апрель, 2020 йил, пайшанба

O'ZB

Швейцарияда 3D принтери ёрдамида шоколад ишлаб чиқарилмоқда

Швейцарияда 3D принтери ёрдамида шоколад ишлаб чиқарилмоқда

Цюрихда жойлашган "Barry Callebaut" шоколад ишлаб чиқарувчи компанияси мижозлар учун 3D принтерда шоколад ишлаб чиқаришни бошлади.

14 февраль куни компания 3D принтер ёрдамида шоколадни оммавий ишлаб чиқариш технологиясини ўзлаштирганлари ва яқин келажакда уни ишга туширишга тайёр эканликларини айтишди.

"Barry Callebaut" дунёдаги энг йирик шоколад ишлаб чиқарувчилардан бири. Бир неча йиллар давомида компания шоколад маҳсулотларини ишлаб чиқариш учун 3D принтерлар билан тажриба ўтказди. Аммо бундай усулда фақат кичик ҳажмлардаги маҳсулотларни ишлаб чиқариш мумкин бўлди.

"Ҳозир бу аввалгидек, оддий ва содда буюм ишлаб чиқариш эмас. Бу шоколад ўзига ҳос бўлади. Биз энди оммавий ишлаб чиқаришни бошлашимиз мумкин”, дейди "Barry Callebaut" компанияси инновациялар раҳбари Пабло Перверси.

"Barry Callebaut"нинг биринчи мижози Голландиядаги меҳмонхоналар тармоғи ҳисобланган "Van der Valk" бўлади. Бундан ташқари, компания бошқа корпоратив мижозлар билан шундай шоколад ишлаб чиқариш бўйича шартномалар тузишни режалаштирмоқда.

"Barry Callebaut" келажакда шоколад ишлаб чиқарадиган 3D принтерлар истеъмол бозорида пайдо бўлиши мумкинлигини ва қаҳва қайнатгичлар сингари оддий маиший техника турларига айланишини таъкидлади.

Киритилди: 14:14 16.02.2020. Ўқилди: 1092 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!