Шикастланган давлат рақамини янгисига онлайн алмаштириш мумкин

Автомобилингизнинг давлат рақами белгиси (номер) яроқсиз ҳолга келган ёки шикастланган бўлса, уни алмаштириш учун "ГАИ"да навбатларда туриш шарт эмас. Бу хизматдан my.gov.uz портали орқали онлайн фойдаланса бўлади.

Хизматдан фойдаланиш учун:

my.gov.uz порталига киринг.

"Шикаст етган автотранспорт воситасининг давлат рақами белгисини тиклаш" хизматини танланг.

Аризани тўлдиринг ва унга шикастланган давлат рақамининг фотосуратини илова қилинг.

Ариза ваколатли орган томонидан кўриб чиқилгач, сизга тўлов учун инвойс юборилади.

Тўлов амалга оширилгач, кўрсатилган ҳудудий бўлинмага борасиз ва эски рақамни топшириб, янгисини қабул қилиб оласиз.

Тўлов базавий ҳисоблаш миқдорига (БҲМ) асосланган:

1 жуфт (олди ва орқа) рақам учун: 1 980 000 сўм (4,5 БҲМ).

1 дона рақам учун: 990 000 сўм (2,25 БҲМ).

Бу муҳим!

Ариза юборишда рақамнинг ҳолати акс этган расм аниқ бўлишига эътибор беринг. Бу жараённи тезлаштиради ва ортиқча оворагарчиликнинг олдини олади.

Вақтингизни тежанг ва рақамларни масофадан туриб янгиланг!