Германияда Фишер номидаги Freestyle Chess G.O.A.T Challenge шахмат турнири кеча якунига етди.
Нодирбек Абдусатторов 3-ўрин учун Левон Аронянга қарши иккинчи ўйинни ўтказди. АҚШлик шахматчи бутун баҳс давомида деярли бехато ўйнади. Натижада ҳамюртимиз кичик хатолар эвазига ўйинни бой берди.
Нодирбек кечаги баҳс сўнгида йўл қўйган хато туфайли ғалабани қўлдан чиқаргани ва дурангга имзо чеккани ҳақида хабар бериб ўтгандик. Икки ўйин натижасига кўра Аронян 3-ўринни эгаллаган бўлса, Абдусатторов 4-ўрин билан чекланди. Ўзбекистонлик шахматчи ушбу мусобақада 20.000 доллар миқдорида мукофот пулига эга бўлди.
Магнус Карлсен эса турнир ғолибига айланди. У финалда АҚШлик Фабиано Каруана устидан 1,5 - 0,5 ҳисобида ғалаба қозонди.
