Шавкат Мирзиёев «Крокус Сити Холл»даги теракт халқаро вазиятга кучли таъсир кўрсатганини айтди

Президент жаҳон можароларининг иқтисодиёт ва аҳоли даромадларига салбий таъсирини қандай камайтириш ҳақида ҳам гапирди, деб хабар беради «Подробно.уз» мухбири.

Давлатимиз раҳбари халқ депутатлари Тошкент шаҳар Кенгаши сессиясида сўзлаган нутқида биз оғир ва таҳликали замонда яшаётганимизни таъкидлади.

«Яқин Шарқдаги ва асосий ҳамкорларимиз ўртасидаги можаролар ҳал этилмади, халқаро вазият эса Москва вилоятидаги даҳшатли террорчилик ҳаракати туфайли жиддийлашди», — деди Мирзиёев.

Президентимиз бундай шароитда Ўзбекистон учун энг муҳим вазифалардан бири иқтисодиёт ва аҳоли даромадларига салбий таъсирни камайтириш эканини алоҳида таъкидлади. Бунинг учун маҳаллаларнинг иқтисодий базасини мустаҳкамлаш, аҳоли даромадларини ошириш учун мавжуд имкониятлардан тўлиқ фойдаланиш зарур.