Шавкат Мирзиёев Абу Даби Амирлиги валиаҳди билан коронавирус ҳақида суҳбатлашди

Ўзбекистон Президенти Шавкат Мирзиёев ва Абу Даби Амирлиги валиаҳди, БАА Қуролли кучлари Олий бош қўмондони ўринбосари Шайх Муҳаммад бин Зоид Ол Наҳаённинг телефон орқали мулоқоти бўлиб ўтди.

Суҳбатда кўп қиррали Ўзбекистон-БАА муносабатларининг долзарб масалалари муҳокама қилинди.
Коронавирус тарқалишининг икки томонлама ҳамкорлик суръатига салбий таъсирини камайтириш мақсадида ҳаракатларни яқиндан мувофиқлаштиришни давом эттириш муҳим экани таъкидланди.