Сайёҳлар учун энг яхши шаҳар аниқланди

Москва иккинчи йил кетма-кет энг яхши саёҳат йўналиши ғолибига айланди. Шаҳар “World Travel Awards” халқаро мукофотини қўлга киритди.

Бу ҳақда пойтахт мэри Сергей Собянин "ВКонтакте"да маълум қилди.

"Дўстлар, Москва “Шаҳар” туркумидаги “Энг яхши саёҳат йўналиши” номинациясида иккинчи йил кетма-кет асосий “World Travel Awards”  мукофотини қўлга киритди", деб ёзган Собянин.

Таъкидланишича, Москва Санкт-Петербург, Лондон, Нью-Йорк, Париж, Рио-де-Жанейро ва бошқа шаҳарларни ортда қолдирган.

"Дунёнинг етакчи маданий йўналиши-2020" номинациясида Санкт-Петербург биринчи ўринни эгаллаган бўлса,  Қримнинг “Mriya Resort & Spa” меҳмонхонаси «The World`s Leading Leisure Resort 2020» номинациясида ғолиб бўлган.