Савдо урушларида ғолиблар бўлмайди, дунёга қарши чиқиш бу ўзини яккалаш дегани — Хитой раиси

Си Жинпин бу ҳақда жума куни Пекинда Испания бош вазири Педро Санчес билан учрашув чоғида айтиб ўтди.

"Сўнгги 70 йил давомида Хитой ҳар доим ўз кучига, машаққатли кураш ва меҳнатсеварликка таянган. Пекин ҳеч қачон бировнинг илтифотига суянмаган ва асоссиз босимлардан чўчимаган", — дея таъкидлади ХХР раҳбари.

Си Жинпин Хитой ва Европа Иттифоқи турли таҳдидларга биргаликда қарши туриши кераклигини, бу фақат ўз манфаатларини эмас, балки халқаро тартибни ҳам ҳимоя қилиш учун зарурлигини қайд этди.