Саудия Арабистони ҳаво кучларининг F-15 SA қирувчи самолёти Заҳрон шаҳридаги ҳарбий база яқинида ҳалокатга учради. Бу ҳақда мамлакат Мудофаа вазирлиги вакили Турки ал-Маликий "Х" ижтимоий тармоғида маълум қилди.
Департамент маълумотларига кўра, самолёт маҳаллий вақт билан соат 12:50да Заҳрондаги Қирол Абдулазиз ҳарбий-ҳаво кучлари базаси ҳудудида режали ўқув парвози вақтида қулаган.
Мудофаа вазирлигининг аниқлик киритишича, икки кишидан иборат қирувчи экипаж омон қолмаган. Воқеа юзасидан махсус комиссия текширув бошлаган.
