Самарқанддаги “Ишратхона” тарихий ёдгорлиги испанларга меҳмонхона қуриш учун берилмайди дея маълум қилди Самарқанд ҳокимининг туризм масалалари бўйича ўринбосари.
“Ишратхона ёдгорлигини Испаниянинг Paradoes компаниясига меҳмонхона қуриш учун берилаётгани ҳақидаги постлар ва салбий фикрларга жавобан Самарқанд вилояти ҳокимининг туризм масалалари бўйича ўринбосари сифатида жавоб бераман: ушбу компания билан музокаралар менинг иштирокимда бўлган ва унда ёдгорликнинг Paradoes’га берилиши тўғрисида ҳеч қандай гап бўлмаган”, — деб ёзиб қолдирилган хабарда.
Музокаралар мақсади Самарқанднинг тарихий зонасида меҳмонхона бизнесини тўғри ривожлантириш бўйича маслаҳатлашишдан иборат эди, чунки Paradoes ушбу йўналишда ташкилотлар ва давлатлар билан ҳамкорлик қилиш бўйича катта тажрибага эга.
"Ишратхона маданий мерос эканлигини ҳисобга олиб, уни потенциал инвесторга бериб бўлмайди. Мен ёдгорлик ҳудудини обонлаштириш ва бинонинг ўзини сақлаб қолиш ва ундан фақат туристик диққатга сазовор жой сифатида фойдаланишни таклиф қиламан”, - дейди ҳоким ўринбосари ўзининг facebook’ида.
Шоҳжаҳон Жўраев икки йил олдин отаси Шерали Жўраевни судга берган
Озодбек Назарбеков қабулида...
Диёра Усмонова марҳум турмуш ўртоғи томонидан зўравонликка учрагани ҳақида гапирди
