2019 йилнинг 23 февраль куни Самарқанд вилоятининг Пахтачи туманида жойлашган ўрта мактабнинг чақириққа қадар ёшларни тарбияловчиси Д.Б. синф хонасида ўзаро жанжал оқибатида шу мактабнинг 11-синф ўқувчиси Ж.Х.нинг қорнига қўли билан уриб жароҳат етказган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармасининг ёзишича, Ж.Х. касалхонага ётқизилган. Д.Б. ушланган. Ҳолат юзасидан жиноят иши қўзғатилиб, тергов ҳаракатлари олиб борилмоқда.