1 октябрь куни соат 00:30 лар атрофида Самарқанд шаҳар Ибн Сино кўчасида Epica русумидаги автомобиль жарликка қулади. Бу ҳақда Самарқанд шаҳар ИИО ФМБ ЙҲХБ «Дарё»га маълум қилди.
Маълум бўлишича, 1995 йилда туғилган Д.Д. исмли ҳайдовчи бошқарувида бўлган автомобиль бошқарувни йўқотиши натижасида бетон тўсиққа бориб урилган ва оқибатда жарликка ағдарилиб кетган.
Натижада ҳайдовчи ва салон ичида бўлган, 1994 йилда туғилган А.Д. исмли йўловчи тан жароҳати олган. Жабрланувчилар Республика шошилинч тез тиббий ёрдам илмий маркази Самарқанд филиалига даволанишга етказилган.
Мазкур йўл транспорт ҳодисаси юзасидан Самарқанд шаҳри бўйича ИИО ФМБ ЙҲХБ томонидан суриштирув ишлари олиб борилмоқда.
«Ўзавтосаноат» давлат идоралари ходимларига Onix сотиб олишни таклиф қилмоқда
Хитойда 15 мингдан 19300 долларгача сотилаётган BYD Song Pro Ўзбекистонда 9 минг доллар қимматига сотиладиган бўлди
Тесла бутун дунё бўйлаб ходимларининг 10%дан ортиғини ишдан бўшатади
