8 июль оқшомида Грузия президенти Саломе Зурабишвили Twitter'да Россиянинг Украина шаҳарларига ҳужуми ҳақида гапирди.
. «Украина шаҳарларига, шу жумладан Киевга қилинган бугунги ракета ҳужумларини кескин қоралайман, бунинг натижасида болалар шифохонаси вайрон бўлган. Бу Россиянинг Украинага қарши урушининг шафқатсиз усуллари ва фожиали оқибатларини яна бир бор яққол кўрсатиб турибди», — деб ёзган Зурабишвили.
Россия қўшинлари 8 июль куни эрталаб Киев ва Украинанинг бошқа шаҳарларига йирик ракета зарбаси берди. Камида 28 киши ҳалок бўлди, 112 киши яраланди. Киевда ракеталардан бири болалар шифохонасига тегди.