Рубль долларга нисбатан позициясини бой бермоқда

Россия рубли иккинчи кундирки долларга нисбатан қийматини йўқотишда давом этмоқда.

Москва биржаси тарқатган маълумотга кўра, бугун соат 10:20 да доллар курси 2,66 рублга қимматлашган ва бир доллар 63,91 рублга баҳоланган. Евро ҳам 2,21 рублга қимматлашиб, бир еврога 65,81 рубль берилган. Америка доллари 3 июнда 64,95 рублга чиқиб кетган эди, евро эса ўзининг максимум нархини 30 майда ўрнатиб, 66,65 рублга чиққан эди.

Умуман, сўнгги ойларда рубль долларга нисбатан позициясини анча жиддий мустаҳкамлаб олганди. Масалан, 29 июнда бир доллар 50,01 рублгача тушиб кетди.