Комида (Россия) йўловчи поездининг 9 та вагони рельсдан чиқиб кетди.
Оқибатда 40 дан ортиқ одам жароҳатланди, бир киши ҳалок бўлди. Ҳозирда поезднинг барча йўловчилари эвакуация қилинган.
Поезд 232 нафар йўловчи билан Воркут-Новороссийск йўналишида ҳаракатланаётган бўлган.
Дастлабки маълумотларга кўра, ҳалокатга ёмғирдан кейин темирйўлга зарар етгани сабаб бўлган. Ҳолат бўйича жиноят иши очилган.