Россияда аёл эрини ўлдириб, жасадини турли жойларга кўмди

Волгограднинг йўлдош шаҳри Волжскийда ёш аёл эрини шафқатсизларча ўлдиришда гумон қилинмоқда.

Маълумотларга кўра, 24 август куни бир аёл эри билан жанжаллашиб, эрини бир неча марта пичоқ уриб ўлдирган. Эртаси куни у эрининг жасадини майдалаб, бўлакларини шаҳарнинг турли жойларига яширган ва кейин нормал ҳаётга қайтган. Аёл эрининг жасади қолдиқларини ҳайвонлар олиб кетиши мумкинлигидан хавотирда эди, чунки уларни чуқур кўмишга қодир эмасди. У ҳатто ташвишларини таниши билан ўртоқлашди.

Натижада, бир ой ўтгач, гумонланувчи ҳибсга олинган. У айбини тан олди ва эрининг тана қисмларини қаерга кўмганлигини айтиб берди. Шунингдек, унинг гувоҳлигидан маълум бўлишича, қотиллик пайтида квартирада уч ва беш ёшли икки бола бўлган, аммо аёл болалар бу қатлиомни кўрмаганлигини таъкидламоқда.