Роналду: "Бу менинг сўнгги Евроим"

Португалия терма жамоаси Европа чемпионати чорак финалида Францияга қарши баҳс олиб боради. Криштиану Роналду Словенияга қарши ўйиндан сўнг бу ҳақда фикр билдирди.

"Бизни Францияга қарши қийин ўйин кутиб турибди, аммо биз курашишга тайёрмиз. Мен терма жамоа либосини кийганимда доим бор кучимни бераман. Мен ҳеч қачон қийинчиликларга дуч келишдан қўрқмаганман ва ҳеч қачон таслим бўлмаганман, буни мендан ҳеч қачон эшитмайсиз. Лекин ҳа, шубҳасиз, бу менинг сўнгги Евроим”, — деди Роналду RTP нашрига.