Aфсонавий бразилиялик футболчи Роналдо коронавирусга чалинди, деб хабар беради "Крузейро" расмий сайти.
Собиқ футболчи ўзини яхши ҳис қилмоқда, унда касалликнинг енгил белгилари бор, холос. Шу муносабат билан у ўзини изоляция қилмоқда. Коронавирус туфайли Роналдо "Крузейро"нинг 101 йиллигини нишонлаш маросимини ўтказиб юборди.
45 ёшли Роналду футболчилик даврида "Крузейро", "ПСВ", "Барселона", "Интер", "Реал", "Милан" ва "Коринтианс" клубларида ўйнаган.