Reuters агентлигининг хавфсизлик бўйича маслаҳатчиси Райан Эванс Украинанинг Донетск вилоятидаги Краматорск шаҳрида отишмада ҳалок бўлди.
Бу ҳақда агентлик тарқатган хабарда айтилади.
Маълумотларга кўра, 38 ёшли Эванс собиқ британиялик ҳарбий бўлиб, агентликда 2022 йилдан бери ишлаган.
У бутун дунё бўйлаб, жумладан Украина, Исроил ва яқинда бўлиб ўтган Париж Олимпиадасида журналистларнинг хавфсизлиги бўйича маслаҳат берган.