“Реал” раҳбарияти янги мураббий Хуан Лопетегига жамоанинг янги мавсумдаги асосий мақсадини белгилаб берди. Бу ҳақда испаниялик мутахассиснинг ўзи “Реал”нинг расмий сайтига берган интервьюсида расман маълум қилди.
“Мен “Реал” раҳбариятининг топшириқларини бажаришни истайман ва менга ишонч билдиришганидан мамнунман. Биз клубнинг шаъни, ғурури, қадр-қимматини ҳимоя қилишга интиламиз. Янги мавсумдаги асосий мақсадимиз — ҳар бир турнирда ғалаба қозониш. Раҳбарият “Реал” янги мавсумда ҳар бир турнирда зафар қучишини истамоқда”, деди Лопетеги.
