«Реал»нинг қитъалараро кубок финалидаги рақиби маълум бўлди

Қитъалараро кубок яримфиналида Мексиканинг «Пачука» ва Мисрнинг «Ал Аҳли» клублари тўқнаш келди.

Асосий ва қўшимча бўлимларда ҳисоб очилмади. Пеналтилар сериясида эса КОНКАКАФ вакили дастлабки икки уринишдан фойдалана олмаганига қарамай, якунда ғалаба қозонди.

Шу тариқа 18 декабр куни Доҳада ўтадиган финалда «Реал» ва «Пачука» ўйнайдиган бўлди.

Қитъалараро кубок. Яримфинал

Пачука (Мексика) — Ал Аҳли (Миср) 0:0

Пеналтилар серияси — 6:5.

14 декабр. Доҳа, «974»