“Реал Мадрид”нинг янги бош мураббийлигига асосий даъвогарлар немис мутахассиси Юрген Клопп ва португалиялик Жозе Моуринью ҳисобланади. Бу ҳақда El Chiringuito TV эфирида журналист Хосеп Педрероль маълум қилди.
Манбага кўра, мадридликлар томонидан Франция миллий жамоаси бош мураббийи Дидье Дешам номзоди ҳам кўриб чиқилмоқда.
Айтилишича, “Қироллик клуби” ҳозирча санаб ўтилган мураббийларнинг ҳеч бири билан алоқага чиқмаган.
“Реал” 2025-2026 йилги мавсумини Хаби Алонсо қўл остида бошлаган эди. Январь ойида бу мутахассис истеъфога чиқарилиб, уни жамоанинг собиқ ҳимоячиси Альваро Арбелоа алмаштирди. Арбелоа бундан аввал ёшлар жамоасини бошқарган.
Аммо Арбелоа ҳам кутилган натижани таъминлай олмади. Энди раҳбарият юлдуз футболчиларга таъсир ўтказа оладиган номдор мураббий танлашни маъқул кўрмоқда.
Абдуқодир Ҳусанов ота-онасига 330 минг долларлик вилла совға қилди
АПЛ учун даҳшатли туш: «Манчестер Сити» чемпион бўлса-да, кубок «Арсенал»га топширилиши мумкин
Гвардиола ҳимоячисининг ўйинидан ҳайратда: «У дунёнинг энг яхшиларидан бирига айланмоқда»
