"Реал Мадрид" раҳбарияти январь ойидаги трансфер ойнасида Карим Бензема ўрнига янги ҳужумчи сотиб олишни режалаштирмаяпти, деб хабар беради Marca. "Қаймоқранглилар" бошлиқларини франциялик футболчининг жароҳатлари давом этаётгани хавотирга солган.
34 ёшли ҳужумчи мавсум давомида жароҳатлар билан курашди, аммо барибир Франция терма жамоасига чақирилди. Футболчи терма жамоа лагерига етиб боргач, машғулотларда яна жароҳат олди.
Нашрнинг ёзишича, клуб раҳбарлари бошқа ҳужумчи қидирмаяпти ва Бензема мавсумнинг иккинчи қисмида формасини тиклашига ва 2024 йилнинг ёзигача ҳужумда биринчи танлов бўлиб қолишига тўлиқ ишонч билдирмоқда. Ҳозирча мадридликлар клуби бош мураббийи Карло Анчелотти бу позицияни ёпиш учун Родригодан фойдаланади.
Франциялик ҳужумчи жорий мавсумда “Реал” сафида 12 та ўйинда майдонга тушиб, 6 та гол урди ва битта голли узатмани амалга оширди.
U23 Осиё кубоги. Ўзбекистон термасининг финалдаги рақиби маълум
Америкалик таниқли боксчи Баҳодир Жалолов ҳақида фикр бирдирди
ЕЧЛ. Ярим финал. "Бавария" "Реал" билан жанговар дуранг қайд этди
