Расман: "Барса" етакчиси 5 ҳафтага сафдан чиқди

Рафинья Диас бир ойдан кўпроқ вақт мобайнида майдондан ташқарида бўлади.

Вингер Бразилия термаси таркибида болдир мушакларидан жароҳат олган ва "Барселона"га қайтариб юборилган.

Клуб матбуот хизмати эса унинг 5 ҳафта мобайнида даволанишини маълум қилган.

Шу орқали у "Атлетико"га қарши уч ўйин, "Эспаньол" билан дерби ва "Сельта" ҳамда "Хетафе"га қарши баҳсларни ўтказиб юборади.

Рафинья май ойи бошидаги "Осасуна"га қарши ўйинда майдонга тушиши мумкин.