Қувайтнинг АҚШдаги элчиси Шайх Аз-Зайн Ас-Сабаҳ амирликнинг Эронга қарши ҳарбий операцияда иштирок этгани ва Қувайт кучлари Ислом Республикаси ҳудудига зарбалар бергани ҳақидаги хабарларни рад этди.
Бу ҳақда дипломат Қувайт Эронга қарши ҳеч қандай ҳарбий операцияларда иштирок этмаганини айтди.
"Қувайт Эронга қарши ҳеч қандай ҳарбий операцияларда қатнашмаган ва унинг ҳудуди, ҳаво майдони ёки ҳудудий сувларидан Ислом Республикасига қарши ҳужумкор ҳаракатлар учун фойдаланишга йўл қўймаган", деб таъкидлади элчи.
У шунингдек, Қувайтнинг бундай операцияларда иштирок этгани ҳақидаги хабарларни "мутлақо ёлғон" деб атади.
Аввалроқ The Wall Street Journal манбаларга таяниб, Қувайт ва Баҳрайн шу ойда Эрон ҳудудига яширинча зарбалар берганини даъво қилган эди. Нашрнинг хабар беришича, июль ойида иккала мамлакат ҳам ўзларининг қирувчи самолётларидан фойдаланиб, бир қатор ҳарбий нишонларга, жумладан, ракета ва дрон омборларига зарба беришган. Бундан ташқари, газета Бирлашган Араб Амирликлари операция учун разведка маълумотларини тақдим этганини даъво қилди.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Россияда мигрантларни депортация қилиш учун асослар кенгайтирилди
