Қозоғистонлик 13 ёшли футболчи Карим Мендиканов фаолиятини Испаниянинг “Барселона” клубида давом эттиради. Бу ҳақда Mundo Deportivo нашрига таяниб, Sports.kz хабар берди.
2011 йилда туғилган қозоғистонлик вингер каталонияликлар билан расман шартнома имзолаган ва жамоага келаси мавсумдан қўшилади.
“Мендиканов Испанияга 2022 йилда келган ва Каталон футбол тизимида таҳсил олган. Ўтган мавсумда у ‘Серданёла’ клуби сафида минтақавий лигада дебют қилган бўлса, жорий мавсум бошида ‘Сан-Кугат’ жамоасига ўтиб, унинг етакчисига айланди. Ўнг қанот вингери сифатида тўп сурадиган футболчи ўзининг тезлиги, дриблинги ва голли узатмалари билан Испания Ла Лигасининг бир нечта клублари скаутлари эътиборига тушган”, дейилади манбада.
Якунда ёш иқтидор “Барселона” таклифини қабул қилишга қарор қилган. Маълум қилинишича, Мендиканов янги жамоасига мослашиш учун клубнинг ёшлар таркиби билан бир нечта машғулотларни ҳам ўтказган.
Маълумот учун, Карим Мендиканов “Барселона” тузилмаси билан шартнома имзолаган илк қозоғистонлик футболчи сифатида тарихга кирган.
ЖЧ-2026ни ўтказиб юборадиган энг қиммат футболчилар рейтинги тузилди
Эрон ҳукумати Азмуннинг мол-мулкини мусодара қилишни бошлади
Россия яна Олимпия ўйинларини қабул қилишга тайёр — Путин
