Қозоғистон президенти Қосим-Жомарт Тўқаев сунъий (электрон) тамаки маҳсулотлари, ваплар, атирлар ва суюқликларни сотиш ва тарқатишни, шунингдек, уларни реклама қилишни тақиқловчи қонунни имзолади.
Бу ҳақда Оқорда матбуот хизмати хабар берди.
“Айрим қонун ҳужжатларига соғлиқни сақлаш масалалари бўйича ўзгартиш ва қўшимчалар киритиш тўғрисида”ги қонун давлатимиз раҳбарининг ёшлар ўртасида никотин моддаси бўлган моддалар тарқалишининг олдини олиш ва уларга қарши курашиш бўйича тизимли чора-тадбирлар кўриш бўйича берган топшириқларини ҳаётга татбиқ этишга қаратилган, дейилади хабарда.