Қозоғистон мусулмонлари диний бошқармаси фатво чиқариб, унда "чайлдфри" (бола кўришдан онгли равишда воз кечиш) идеологияси шариат нормаларига зид эканини билдирди.
Ҳужжатда қайд этилишича, жавобгарликни зиммага олишни истамаслик, молиявий харажатлардан қочиш ёки оила ва фарзанддан кўра шахсий эркинлик ва карьерани устун қўйиш сабабли фарзанд кўришдан онгли равишда бош тортиш ислом тамойилларига мос келмайди.
«Никоҳ — Пайғамбарнинг суннати. Унинг асосий мақсадларидан бири — инсон наслини сақлаш ва авлод давомийлигини таъминлашдир», — дейилади муфтийлик баёнотида. Исломда фарзанд кўриш эр-хотиннинг умумий ҳуқуқи ҳисобланади, шунинг учун агар жуфтликдан бири фарзанд хоҳласа, иккинчиси бунга тўсқинлик қила олмайди.
«Ҳомиладорликни вақтинча кечиктириш фақат асосли сабаблар бўлган ҳолларда, масалан, туғруққа тайёргарлик ёки соғлиқни тиклаш учун рухсат этилади. Бундай ҳолатларда эр-хотин ўзаро келишувга эга бўлиши ва қўлланиладиган усуллар соғлиққа зарар етказмаслиги керак. Бироқ қўрқув ёки қашшоқлик сабабли ҳомиладорликдан қасддан қочиш шариат томонидан маъқулланмайди. Шунингдек, бепуштликка олиб келадиган ҳар қандай усуллар ҳаром ҳисобланади», — дейилади фатвода.
Муфтийлик фикрича, "чайлдфри" идеологияси оила институтини заифлаштиради ва жамият ҳамда мамлакат келажагига салбий таъсир кўрсатиши мумкин.
Айни пайтда Қозоғистонда туғилиш даражасининг пасайиши кузатилмоқда. 2026 йилнинг биринчи чорагида мамлакатда 74,1 минг чақалоқ туғилган — бу сўнгги 20 йилдаги энг паст кўрсаткич. Nur.kz нашрининг ёзишича, сўнгги беш йилда янги туғилганлар сони 25 фоиздан кўпроққа камайган.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Эрон 200 нафардан ортиқ америкалик ҳарбий хизматчиларни йўқ қилди
