Қозоғистон мажбурий никоҳ учун жиноий жавобгарликни жорий қилишни режалаштирмоқда, деб хабар бермоқда Информбюро парламенти депутати Мурат Абеновга таяниб.
Унга кўра, тегишли банд Жиноят, Жиноят-ижроия ва Жиноят-процессуал кодексларини оптималлаштириш тўғрисидаги қонун лойиҳасига киритилган.
Депутат аввалроқ келин ўғирлаш учун жавобгарлик масаласини кўтарганини, бироқ амалдаги қонунчиликка кўра бундай ҳолатлар кўпинча судгача етиб бормаслигини эслади.
"Охирги уч йил ичида расмий идораларга келин ўғирлаш бўйича 214 та ариза берилган, бироқ уларнинг 10 таси судгача етиб борган. Қолганларида эса далил йўқлиги сабабли иш рад этилган. Гарчи қиз ўғирлаб кетилганини, машинадан сакраб тушганини ва унга нисбатан куч қўлланганини исботлаган бўлса-да. Лекин улар ҳеч нарса қила олмадилар”, деди у.
Парламентарийнинг сўзларига кўра, қонун лойиҳаси аллақачон биринчи ўқишда депутатлар томонидан қўллаб-қувватланган. Ҳужжат кейинги ҳафта иккинчи ўқишда кўриб чиқилиши кутилмоқда.
