Чеченистон раҳбари Рамзан Қодиров АҚШнинг амалдаги президенти Дональд Трамп ижтимоий тармоқларда блокланганидан кейин иккиси ҳам энди бир-бирига ўхшаш эканлигини маълум қилди.
"Энди Трамп билан мен бир-биримизга ўхшаймиз: агар илгари у мени ижтимоий тармоқларда блоклаб қўйган бўлса, энди Қодир Худо адолатни тиклади ва натижада, исён кўтарган Дональд Трампнинг аккаунтлари ҳам блокланди", деб ёзган Қодиров ўзининг Телеграм-каналида.
Унинг фикрига кўра, агар Трамп демократия ва инсон ҳуқуқларини ҳурмат қилганида, блокланишдан қочиш мумкин эди.