Қашқадарёлик эркак ҳамқишлоғининг умрига зомин бўлди

2019 йил 4 февраль куни соат 23:30ларда Қашқадарё вилоятининг Яккабоғ тумани Дарё МФЙда яшовчи И.У. уйи олдида ўзаро жанжал сабаб маст ҳолда бўлган ҳамқишлоғи Л.Ж.га пичоқ билан жароҳат етказган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармасининг ёзишича, Л.Ж. касалхонага ётқизилган ва кўрсатилган тиббий муолажаларга қарамай вафот этган. Ҳолат юзасидан жиноят иши қўзғатилиб, И.У. қўлга олинди. Тергов ҳаракатлари олиб борилмоқда.