Россия ва Хитой етакчилари музокаралар якунида “Шериклик ва стратегик ҳамкорликни чуқурлаштириш тўғрисидаги” баёнотни имзолашди.
Путиннинг Си Цзиньпин билан учрашувда билдирган фикрлари:
◾️ Россия Федерацияси ва Хитой ўртасидаги барча тўловларнинг 90 фоизи рубль ва юанда амалга оширилмоқда, тўловларнинг миллий валюталарга ўтказилиши савдо айланмаларининг кенгайишига туртки бўлди;
◾️ Россия ва Хитой ўртасидаги муносабатлар ҳеч кимга қарши қаратилмаган;
◾️ Москва ва Пекин дунёда демократия ва тартиб тамойилларини биргаликда ҳимоя қилади.
ХХР етакчисининг музокара давомидаги асосий баёнотлари:
◾️ Бу сизнинг янги президентлик муддати бошланганидан буён биринчи хорижий ташрифингиз бўлиб, шахсан сиз ва Россия ҳукумати Хитой-Россия муносабатларига қаратилаётган эътиборнинг ишончли далилидир. Биз буни қадрлаймиз;
◾️ Россия Федерацияси ва Хитой Халқ Республикаси ўртасидаги муносабатлар ҳурмат, ишонч, дўстлик ва ўзаро манфаатдорлик билан ажралиб турадиган йирик давлатлар ўртасидаги ҳамкорлик стандарти ҳисобланади;
◾️ Хитой доимо Россия билан яхши қўшни, ишончли дўст ва ишончли шерик бўлиш ниятида.
