Путин Украинага янги ҳужумлар билан таҳдид қилди

Кремль раҳбари Владимир Путин Киев ва Ғарб жорий тинчлик музокаралари давомида унинг талабларини рад этса, Украинага янги зарбалар бериш билан таҳдид қилди:

«Агар улар жиддий муҳокама қилишни истамаса, у ҳолда Россия ўз тарихий ерларини жанг майдонида озод қилади», — деди Путин ўз чиқишида.

Шунингдек, Кремль раҳбари нутқида Европа етакчиларини кескин танқид қилиб, уларни «подсвинкалар» деб атади:

«Ҳамма қисқа вақт ичида РФ парчаланиб кетади, деб ўйлаган эди. Европа подсвинкалари дарҳол олдинги Америка маъмуриятининг ишларига қўшилиб, мамлакатимиз парчаланишидан фойда кўришга умид қилдилар».

Путиннинг сўзларига кўра, Трамп маъмурияти тинч йўл билан ҳал қилишга тайёрлик кўрсатган, Европада эса ҳозир бундай имконият йўқ. Кремль Қримни ва Украинанинг шарқида босиб олинган барча ҳудудларни Россияники деб тан олишни, шунингдек, чегара бўйлаб «хавфсизлик буфер зонаси»ни кенгайтиришни талаб қилмоқда. Бундан ташқари, Россия Украина НАТОга аъзо бўлишдан воз кечишини ҳам талаб этмоқда.