НАТО Бош котиби Йенс Столтенбергнинг фикрича, Украинадаги уруш Россия, Хитой, Шимолий Корея ва Эрон ўртасидаги яқин алоқани кўрсатмоқда.
У Пекинни «Россиянинг Украинага қарши агрессиясининг асосий ташкилотчиси» деб атади.
« Си ва Президенти Путин, уларнинг барчаси НАТО ва АҚШ Украинада барбод бўлишини хоҳлайди. Ва агар Путин Украинада ғалаба қозонса, бу нафақат президент Путинни, балки Си Цзинпинни ҳам руҳлантиради. Япония бош вазири айтганидек, бугун Украинада содир бўлаётган воқеа эртага Осиёда содир бўлиши мумкин», — дея CBS News телеканалига берган интервьюсида Йенс Столтенберг сўзларини келтиради «Коммерсант».
Бош котибнинг қўшимча қилишича, Қўшма Штатлар бошқа нарсалар қатори Хитой билан муаммоларни ҳал қилиш учун НАТОга муҳтож. У, шунингдек, альянс ушбу муаммога муносиб жавоб бера олишини таъкидлади, чунки НАТО 30 дан ортиқ иттифоқчиларни ўз ичига олади, уларнинг умумий ялпи ички маҳсулоти жаҳон ялпи ички маҳсулотининг 50 фоизидан ошади.