Ушрашув давомида Россия Яқин Шарқдаги вазиятни ҳал қилишда Эронга ёрдам бериш учун барча чораларни кўришга тайёр, деди Путин ҳамкасбига. Икки мамлакат ўртасидаги ҳамкорликка келсак, у имзоланган келишув асосида муваффақиятли ривожланмоқда ва мустаҳкамланмоқда, деди у.
Россия Президенти баёнотларидаги асосий жиҳатлар:
- Эрон Яқин Шарқда авж олган можарога барҳам бериш йўлида жиддий саъй-ҳаракатларни амалга оширмоқда; Россия бундан хабардор.
- Россия ва Эрон ўртасидаги савдо айланмаси 2025 йилда 21 фоиздан кўпроққа ўсди ва бу тенденция жорий йилнинг дастлабки етти ойида ҳам давом этди.
- Москва ва Теҳрон ўртасидаги муносабатлар ижобий ривожланмоқда. Россия Президенти Мўжтабо Хоманаийга ўзининг самимий тилакларини етказишни сўради.
Давлат раҳбарлари шунингдек, энергетика, қишлоқ хўжалиги, транспорт ва савдо соҳаларда иқтисодий ва стратегик ҳамкорликни мустаҳкамлаш масалаларини муҳокама қилишди.
Эслатиб ўтамиз, Россия президенти 9 октябрь куни МДҲ Давлат раҳбарлари кенгаши йиғилиши ва Каспий экологик саммитида иштирок этиш учун 8 октябрь куни Туркманистонга етиб келган эди. Тадбирлар Каспий денгиз соҳилидаги Аваза миллий сайёҳлик зонасида бўлиб ўтади.
Жиззахда эркак 10 ёшли болани зўрлаб, сўнг ўз жонига қасд қилди
Шахмат терма жамоаси аъзолари ҳибсга олинди
UzAutoMotorsʼни сотиб олишга учта давлатдан харидор чиқди
