Россия президенти Владимир Путин Туркманистон раҳбари Гурбангули Бердимуҳамедов билан коронавирусга қарши кураш бўйича қўшма ҳамкорлик масалаларини муҳокама қилди. Телефон суҳбати ҳақида Кремл сайтида хабар берилган.
Давлат раҳбарлари, шунингдек, савдо-иқтисодий ҳамкорликка эътибор қаратиб, икки томонлама кун тартибининг долзарб масалаларига тўхталиб ўтдилар ва стратегик шерикликни янада ривожлантиришга келишиб олдилар.
Суҳбат давомида Владимир Путин Бердимуҳамедовни туғилган куни билан табриклади: 29 июнь куни у 64 ёшга тўлди. Шу муносабат билан Россия Президенти ҳамкасбига табрик телеграммасини юборган.
"Сизнинг раҳбарлигингизда Туркманистон ижтимоий-иқтисодий ривожланиш йўлида бормоқда, минтақавий ва халқаро ишларда муҳим конструктив рол ўйнайди", дейилади табрикда. Россия президенти, шунингдек, Туркманистон раҳбарининг давлатлар ўртасидаги стратегик шерикликни ривожлантириш борасидаги саъй-ҳаракатларини юқори баҳолади.
Зеленский шуни ёдда тутиши керакки, у Ашраф Ғани каби ёки ундан ҳам баттарроқ бўлиши мумкин
Марказий Осиё давлатларига ташқи кучлар томонидан босим ўтказилмоқда - Ўзбекистон Президенти ҳузуридаги Хавфсизлик Кенгаши
Аriston компанияси миллийлаштирилгач, Россия элчиси Италия ТИВга чақиртирилди
