“Профессионал” ўғирлик: 8-синф ўқувчилари қўлга олинди

Жиззах вилоятининг Ш.Рашидов туманида шу йил 24 октябрь куни  номаълум шахслар “Пастки Сўлоқли” МФЙда яшовчи, Ш.Т.нинг уйига дераза орқали кириб, ҳовлисидаги молхонасидан 2 бош қўйларини ўғирлаб кетганлар.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармасининг хабарига кўра ҳолат юзасидан жиноят иши қўзғатилиб, кўрилган чоралар натижасида ушбу жиноятни “Пастки Сўлоқли” МФЙда яшовчилар, 50-сонли ўрта мактабнинг 8-синф ўқувчилари А.Ж. ва И.М.лар содир этганликлари аниқланиб ушланганлар. Тергов давом этмоқда.