Португалия терма жамоаси юлдузи Мессининг жамоадошига айланиши мумкин

МЛСнинг «Интер Майами» клуби «Манчестер Сити» сардори Бернарду Силвани ўз сафига қўшиб олишни кўзламоқда. Клуб ҳужумчиси Лионель Месси ушбу трансферни аллақачон маъқуллаган, бу эса «Интер Майами» лойиҳасини португалиялик ярим ҳимоячи учун янада жозибали қилади. Бу ҳақда Marca нашри хабар бермоқда.

31 ёшли Силванинг шартномаси июнь ойи охирида тугайди, бу эса унга Манчестерни тўққиз мавсум ва клуб сафидаги 400 дан ортиқ ўйиндан сўнг эркин агент сифатида тарк этиш имконини беради.

Манбанинг хабарига кўра, «Ювентус» ҳам Силвани ўзининг устувор мақсади сифатида кўриб чиқмоқда. «Интер»нинг (Майами) асосий кўзири молиявий жиҳат бўлиши мумкин: «Манчестер Сити»да Бернарду йилига тахминан 19,5 миллион фунт стерлинг (22,6 миллион евро) маош олади. Турин клубига ўтиш учун у катта эҳтимол билан маошининг камайишига рози бўлиши керак, АҚШда эса унга анча фойдалироқ шартлар таклиф қилинмоқда.

Жорий мавсумда Силва «шаҳарликлар» сафида 39 та ўйинда иштирок этиб, иккита гол урди ва бешта голли узатмани амалга оширди. Transfermarkt портали футболчини 27 миллион еврога баҳоламоқда.