Польша прокуратураси Украина президенти Владимир Зеленскийга суиқасд тайёрлашда Россия ташқи разведкасига ёрдам беришни режалаштирган эркакка расмий айблов қўйди.
Бу ҳақда 20 май, сешанба куни, Польша прокуратураси маълум қилди.
Павел К. деб танилган шахс 2024 йил апрель ойида Польша ва Украина махсус хизматларининг қўшма амалиёти натижасида қўлга олинган. Унга 8 йилгача қамоқ жазоси таҳдид солмоқда.
Тергов маълумотларига кўра, Павел К. Россия ҳарбий разведкаси билан ҳамкорлик қилишга тайёрлигини билдирган ва Украинага қарши урушда бевосита иштирок этаётган россияликлар билан алоқа ўрнатган.
Прокуратура баёнотида айтилишича, у Россия махсус хизматларига Зеленскийга қарши эҳтимолий суиқасдни режалаштиришда ёрдам бермоқчи бўлган.
Прокурорлар таъкидлашича, Павел К.нинг вазифалари Жешув-Ясёнка аэропортида хавфсизлик бўйича маълумот тўплаш ва уни етказишни ўз ичига олган.
Шунингдек, 12 май куни Лондонда Россия фойдасига жосуслик қилганликда айбланган олти нафар болгар фуқаросига ҳукм ўқилган. BBC маълумотига кўра, улардан уч нафари 2016 йилда Brexit бўйича парламент муҳокамасида иштирок этган.
Эрон махсус кучлари уриб туширилган учинчи Исроил самолёти учувчисини қўлга олди
Эрон армияси кўр, кар ва соқов бўлиб чиқди
"Қон ичмагунча ётмайман": Нетаняху Инжилдан қурол сифатида фойдаланади
